منو
بختیار ایمیش
من بیلمهمیشیمدیم، ایسته دیگیم غئیره یار ایمیش
اول فالی، آخیری بی اعتبار ایمیش
جانان یولوندا ناله ایله کئچدی گونلریم
عشق اهلینین نصیبی بوتون آه و زار ایمیش
زولفون می کؤنلومو، گؤزلیم،تار و مار ائدن؟
یا کی کؤنول ازلدن ائله تار و مار ایمیش
آهو باخیشلی گؤزلرینین مبتلاسییام
کؤنلوم کمندِ زولف ایله چوخدان شیکار ایمیش
اولدوم اسیری بیر گؤزلین، ایندی بیلمیشم
مجنون نه وجهدن وطنیندن کنار ایمیش
فرهادا طعنه ائیله ینی سنگسار ائدین
باخ بیستونا، عشقه اودا یادگار ایمیش
واحد، اولور کی، سئوگی فلاکت ده تؤره دیر
ظنیمحه عشقه مایل اولان بختیار ایمیش