منو
نئجه لقمانه گؤندریم؟
من ایسترم، بو نامه نی جانانه گؤندریم
جانیم فداسی اولدوغو بیر جانه گؤندریم
دردِ فراق ایله اویانیر ایندی شمع تک
من کؤنلومون قوشون اونا پروانه گؤندریم
من ده او گول خیالی ایله درده دوشموشم
یا رب، بو دردی من نئجه لقمانه گؤندریم
چوخدان گولوندن آیری دوشن دردلی بولبولو
بیر کیمسه تاپمادیم کی، گولوستانه گؤندریم
واحد، اوُنوتما حضرتِ یوسیف حکایه سین
فکریمده وار، بو شعریمی زندانه گؤندریم