منو
اینجه اشعار ایسته سین!
ای کؤنول، گل راضی اولما، یاری اغیار ایسته سین
بولبولو خوار ائیله‌مه، قویما گولو خار ایسته سین
گون به گون آرتیر گؤزللر، گؤز گؤرور، کؤنلوم سئویر
سئوگییه بیر اؤلچو یوخ، عاشیق نه میقدار ایسته سین
نازنین واختیندا بیلسین گول گرک اؤز قدرینی
قویماسین تر غنچه نی هر اهلِ بازار ایسته سین
گؤزلریندن غئیرینه یوخ احتیاجی عاشیقین
اؤز طبیبیندن گرک درمانی بیمار ایسته سین
قدردن نورس جاوانلار سالدیرار گول روخلری
لکه سیز یاقوتو لایقدیر خریدار ایسته سین
((سئوگیلیم وار))، ای دئین، بیرسعی قیل کی، هم سنی
سن اسیری اولدوغونو نازلی دلدار ایسته سین
واحدم، ایستکلی معشوقوم گؤزلیک شعری دیر
قوی گلیب ذؤق اهلی مندن اینجه اشعار ایسته سین