منو
کؤنلوم فغان ائدیر!
کؤنلوم فغان ائدیر یئنه بیر جان آلان اوچون
بولبول همیشه ناله ائدر گولوستان اوچون
یول وئرمه زولفون اوغرایا روخسارین عطرینی
گول غارت اولسا، یاخشی دئییل باغبان اوچون
گؤستر چمنده نازایله حُسنون باهارینی
قورخوب سارالماغا گولو قویما خزان اوچون
مجنون بیتیرمه‌میشدیر هله عشق مکتبین
چوخ آزدیر علمی، تجربه سی امتحان اوچون
اؤیره ن طبیعت عالمینین اینجه لیکلرین
یوزلرله نازنین یئتیریر هر زمان اوچون
گؤردوکده ایندی عصریمیزین دلربالارین
مین جان گرک فدا اولا بیر نازلی جان اوچون
واحد، بو سؤزده موسیقی تاثیری گؤرسه نیر
گویا خصوصی دیر بو غزل ناردالان(١) اوچون
١اووشاران یاریم آداسیندا بیر کند آدی.