غارتگرِ دل

کؤنلوم سنه وابسته دیر، ای شوخ، بیر ایلدیر
نه اؤلدورور عشقین منی آخیر، نه دیرلدیر
عاشقلرینی قصدین ا گر محو ائله مک سه
من حاضیرم، اوّل منه مقصودونو بیلدیر
مئیلیم سنه دیر، بیر سنه عالمده اسیرم
ایسترایسن آزاد ائله، ایسترمنی اؤلدیر
کج باخما، بوتون خلق ده یر بیر- بیره، ظالیم
زولفون گرهین آچما کی، غارتگرِ دلدیر
مبهوت ائله‌ییب عالمی آیینهٔ رویون
نه شکل و شمایلدی، بو نه حُسن جمیلدیر!
روخسارینه اول خالُ سیه دیرمی دوزولموش؟
کی برگِ گول اوسته سپیلیب دانهٔ هئل دیر؟(١)
واحد، دئمه کیم، یار ایله شیریندی مئی ایچمک
زهر اولسون او عشرت کی، حکیمانه دئییلدیر

١مصرع بو شکلیده ده قئید اولموشدور:
یا برگِ گول اوسته دوزولن دانهٔ هئل دیر؟