نئیله ییم من!

کؤنلوم اولوبدو مایل اول یاره، نئیله ییم من؟
الدوم اونون غمیدن بیچاره، نئیله ییم من؟
مندن بو نوع جانان کسمزدی التفاتین
دوشدوم یئنه بلایِ اغیاره، نئیله ییم من؟
بیر مبتلایِ عشقم، مجنون نه دیر یانیمدا!
قالدیم بو غم چؤلونده آواره، نئیله ییم من؟
بولبول تک آغلارام من، ای باغبان آماندیر
گولشنده یار اولوبدور گول خاره، نئیله ییم من؟
بیر درده دوشموشم کی، ظالیم، سنین غمینده
گلسه، طبیب ده تاپماز بیر چاره، نئیله ییم من؟
اؤز عاشیقین اوُنوتدون، کئتدین، رقیبی توتدون
بیرسن کیمی وفاسیزدلداره، نئیله ییم من؟
قویماز گؤره م دویونجا، واحد، او گول جمالین
زولفون تؤ کر همیشه روخساره، نئیله ییم من؟