منو
عاشیق اولار فسانه سیز؟
کؤنلوم آچیلدی زولفونو گؤردوکده شانه سیز
بیگانه باتدی ماته، قالدی شانه سیز
گؤسترمه گول جمالینی، آرتیرما ناله می
بولبول باهار اولاندا دایانماز ترانه سیز
دایم گؤزون خیالینی کؤنلومده بسلرم
بیماری کیم گؤروبدور، اولا خسته خانه سیز؟
جلاد مین بهانه ایله قصدِ جان ائدر
سن اؤلدورورسن عاشیقی هر گون بهانه سیز
زولفوندن آیری روُحوم اوُچور، آختاریر سنی
ساکیت اولارمی، بیر قوُش اولا آشیانه سیز؟
هر یئرده، واحد، ایندی سنین صحبتین کئدیر
خالقین سئون بیر عاشیق اولارمی فسانه سیز؟