منو
خوش گلدی استخاره منه!
چوخ اتئمه قاش گؤزایله، سئوگیلیم، اشاره منه(١)
اورکده هر نه سؤزون وار، دیٔ آشکاره منه
خوشام قیلینج قاشینی گؤسترینجه اغیاره
جفا ایله ووراسان یاره اوسته یاره منه
اوزونده خالینی گؤردوکجه شاد اولور کؤنلوم
نه آی وئرر بوصفانی، نه ده ستاره منه
کتابِ عشقینی، بیر- یبر ورقله دیم، باخدیم
وصاله یئتمگه خوش گلدی استخاره منه
طبیعت، عشق بلاسین منه وظیفه وئریب
اودورکی، جؤر ائدیر هر نازلی ماهِ پاره منه
گؤزل کی، عاشیقین اینجیتمه دی، بوراخ گئتسین
سئویننم، ائتسه جفا سئوگیلیم دوباره منه
دیارِ عشقده اؤز درد و محنتین اؤنودور
بو حالدا ائدن اولسا ا گر نظاره منه
ایشی کیریشمه، گهی نازدیر، گهی غمزه
نه قالدی، ائتمه‌میش اولسون او زولفو قاره منه
دئدیم طبیبه:- منی، قویما، ییخدی نشئهٔ مئی
لبِ نیگاریمی یازدی بیرینجی چاره منه
شرابی وقف ائدرم، واحد، اؤز ثوابیم اوچون
شرابخانه‌لری وئرسه‌لر اجاره منه
١مصرع بو شکلیده ده قئید اولموشدور:
من عاریفم، گؤزلیم، ائتمه گل ایشاره منه.