جزا محکمه سی

چهره نده اؤلم کؤ لکه سی وار، ای قاری دوشمن
خالق اوردوسو چوخداندی قازیبدیر سنه مدفن
ماتم بویوروب دٔوره نی، اطرافینا بیر باخ
برلینده سالیبسان آنالار قلبینه شیون
قیزدیرما جهان خالقینی حاقسیز یئره، ظالیم
بیر گون گله جک، قورخ او جزا محکمه سیندن
اؤز تانکینا، طیاره نه بوش ـ بوش هاوالانما
گردابه سوروکلر گیمنی چوخ کره یئلکن
داغلار کیمی سد اولسادا دوشمن بیزه قارشی
بیر آندا قوپارریق اونو، عالم دئیر احسن
ائل همتی، ائل قوتی واردور قولوموزدا
بیر گون آلاریق بیز بو قصاصی یئنه سندن
چوخ ظلم ائله ین ظالیمی ییخمیش قیزیل اوردو
دؤیمه دؤشونه، چوخ دئمه، دونیادا منم، من
کلله نده سووت بومبالاری پارتلایاجاقدیر
تختینده ده فیرلاندیراریق اودلو دگیرمن
تارخی اوُنوتما، قوجامان ماسکوادیر بو!
اونلارجا ناپلیون دؤیولوب قاچدی بو یئرده