منو
سئیر باغ!
چکمه غم مل یولوندا، شاد ایکن قیل سئیر باغ
لاله رخ لر سئیرین ائت، چک سینهٔ مظلوما داغ
طوطی آسا قیلما شهد و شکره هر گز هوس
فضل خوار نکبت اول صحرالر ایچره میث ساغ
بیر کؤنول شاد ائتمک اوچون، مین کؤنول غمخانه قیل
آغلاسین چشمان مردوم، اؤز داماغین ائیله چاغ
عشقِ شیرین ایله چال باشه سفالت تیشه سین
قوی سنی فرهاد سانسینلار مکانین ائیله داغ
باغلا کؤنلون عشقِ ترسایه الین چک تیغدن
قیل، صلیب حضرتِ صنعان کیمی دایم سور اغ
زاهید آسا صنعت و علم و فنونی ائت کنار
صید قیلماق چون عوامی اووچو تک چک بحره آغ