منو
ائتمه سین جان فکیرینی!
چکمک ایستر من کیمی، هر کیمسه جانان فکیرینی
اؤز جانیندان ال گؤتورسون چکمه سین جان فکیرینی!(١)
آغلارام صبح و مسا بیر دلبرین عشقینده من
بولبول آغلار نئجه چکدیکده گولوستان فکیرینی
یوسیفین هیجرنده یعقوب ائیله‌دی مین فکر ا گر
چکمه یبدیر بونجا او، من کیمی هیجران فکیرینی
اولسام اول شوخ ایله گر بیر گوشه ٔ میخانه ده
بیرده نامردم، چکرسم باغِ رضوان فکیرینی
ای گون اوزلوم، گر توتا، ظلمت سراسر عالمی
ائیله مز رویون گؤره نلر، ماهِ تابان فکیرینی
وورسان، ای مه، سینه مه تیرِ خدنگین، راضی یام
سینه ده پیکانین اولسا، چکمرم جان فکیرینی!
بی گناه قانلار تؤ کرسن، رحم سیز جلاد تک
بیل توتار آخیر سنی، ای چکمه ین قان فکیرینی!
اولدو واحد خاطریمده، جمع ایکن آشفته لیک
متّصل چکمکدن اول زلفِ پریشان فکیرینی
١مصرع بو شکلیده ده قئید اولموشدور:
اؤز جانیندان ال گؤتورسون ائتمه سین جان فکیرینی!