قیمتلی غزل!

چکدی سنی طالع بو گولوستانه، گؤزل قیز!
شؤق ایله یاناش بولبولِ نالانه، گؤزل قیز!
سن شمعینه اؤز سئوگیلی پروانه نی یاندیر
باتسین حسدیندن غمه بیگانه، گؤزل قیز!
اؤز قایناتانی، قاینانی دیندیر ادبله
دوشسون بو گؤزل شهرتین هریانه، گؤزل قیز!
آرتسین شرفین جمله قوهوم قونشو یانیندا
ایش گؤرکی، اولا لایق او انسانه، گؤزل قیز!
بیز اوغلوموزو تاپشیریریق بیر سنه یالنیز
آنجاق سنی ده سئودیگین اوغلانه، گؤزل قیز!
ناموسلا، شرفله یئترین سیز باشا عؤمرو
مرد عایله وورماز لکه وجدانه، گؤزل قیز!
قیمتلی غزلدیر، بونو واحد سنه یازمیش
سنسن صدفِ عصمته دوردانه، گؤزل قیز!