ساقین! افغانیمدان!

ای تؤ کن نازایله قانیم، حذر ائت قانیمدان
تؤ کمه قانیمی، ساقین آه ایله افغانیمدان
تیرِ ابرولرینه عاشیقِ بیچاره فدا
من رهِ عشقده، جانا، گئچه نم جانیمدان
چونکی آماده دوُروب قتلیمه اول تیرِ مشه ن
یوخدو قورخوم، ده یه گر چاکِ گریبانیمدان
گون جمالیندی سنین نور ائله ین دونیانی
یا کی، آهیمدی چیخان سینهٔ سوزانیمدان
بیلمز اوصافینی واعظ، نه قدر وصف ائله سه
اهلِ حال اولسا، بیلر قلبِ پریشانیمدان
دلبرا، واحدِ نالانی وصاله یئتیریب
خوف قیل سینهٔ سوزان، دل بریانیمدان