گؤزل

ای تفلیسه گئده ن باکی گؤزلی!
یاییلدی ائللره سوراغین سنون
سونبوللر آچیلدی، گوللر قیزاردی
دگرکن تفلیسه آیاغین سنین
ترسینه ن اوستونو چیچکله بزه
خومار باخیشینا جان گرک دؤزه
صفانین داغینا چیخ گزه گزه
ترلتسین لاله نی یاناغین سنین
تؤ کمه آغ اؤزونه قارا زولفونو
کؤنلوم ده اوردادیر آرا زولفونو
احتیاطلاً هر دم دارا زولفونو
قوی دوشوب ایتمه سین داراقین سنین
سن گزن یئرلرده اؤزگه حال اولار
گوللر آیاغینا پایمال اولار
بیر کلمه دانیشسان، طوطی لال اولار
گولدورر غنچه نی دوداغین سنین
واحدم، عشقینده داستان قوشارام
باشقا گؤزللردن اوُزاقلاشارام
اؤلمرم، دونیادا یوز ایل یاشارام
اولارسام بیر گئجه قوناغین سنین