منو
اهل دل ایله
ای دئین، خار یاخینلاشدی وفاسیز گول ایله
گول بو آز عومرو ایله بحث قیلیر بولبول ایله
کاشکی، بیرده بیزه او وصلین اولایدی قسمت
یئنه هم صحبت اولاق بیر نئچه اهلِ دل ایله
هانسی گؤیلرده ملک لرله گزیرسن گئجه لر
مه جمالین بیزه گؤرسنمه ییر آیلا، ایل ایله
مئی بوساطیندا زهرلندی حیاتیم غمدن
هم قدحدین، گؤزلیم، غیرایله شیرین دل ایله
کؤنلومو اودلار جذب ائتدی خیالِ زولفون
یاندیرار خلق چیراغی گئجه‌لر مفتیل ایله
اهلِ حال ایله جهنم منه جنّت گؤرونور
همدم اولماقدان ایسه تربیه سیز جاهیل ایله
ائیله کی، واحد، او گولچهره سئویر اغیاری
ظن ائدیر، سانکی ملک گؤیدن ائنیب زنبیل ایله