منو
مذمّت ائیله‌مه یین دلربالاری!
ای دل، اوُنوتما ظلم ائله ین مه لقالاری
اونلاردیر عشق اسیری ائدن بینوالاری
زنجیرِ زولفه ائتمه هوس، ای اسیرِ عشق
چوخ گورموشوک بو دامه دوشن مبتلالاری
حُسن اهلینین بو عادتی دیر، بی وفا اولار
چوخدا مذّمت ائیله‌مه یین، دلربالاری
هر شوخه وئرمه کؤنلونو، باغلانما زولفونه
چونکی چکیب بو یولدا باشیم چوخ بلالاری
دیوانه ائتمه یینجه، گؤتورمز، یاخاندان ال
چوخ چکدیم امتحانه بو زولفو قرالاری
آلدانما رحم سیز، بو وفاسیز، گؤزللره
دائم ائدیرلر عاشقه جؤر و جفالاری
واحد، جهاندا طعنهٔ بیگانه یاخشیدیر
پر ادعا گؤرونجه بو دوست،آشنالاری