منو
گَل ها گَلی وار!
کؤنول، اول شوخا یاخینلاشما اونون انگلی وار
بیوفالرین نه اولر آخیری، نه اوّلی وار
مندن آیریلماز ایدی سئودیگیم اؤز جانانیم
آرامیزدا، گؤرونور، گیزلی رقیبین الی وار
چوخ چتین ترک ائله سین عاشیقی ظلم ائیله‌مه گی
نه قدر ایندی جاواندیر، هله گَل ها گَلی وار
عاشیقی ناز ایله اینجیتمه سه، دینجه لمز او گول
بو گؤزللر آراسیندا نه قدر شیوه لی وار!
بیر گؤزل کی، آتیب اؤز یارینی، اغیاری توتا
قورو اوندان اؤزونو، آخیری بیر جنجلی وار
بویوروب لیلی ملاحتلی گؤزللر وطنی
دئمه ((مجنون)) منه، یوزلرجه منیم تک ده لی وار
واحد آنجاق بو وفاسیزلاری مندن خبر آل
خاطیریمده اولارین گؤرنئجه جور هیکلی وار