منو
اختیاریم اولسا منیم!
همیشه لیک او گؤزل نازلی یاریم اولسا منیم
یولوندا صرف ائدرم، هر نه واریم اولسا منیم
بیر اؤزگه دلبره باخسام ا گر، گؤزوم چیخسین
منیمله دایم او چشمِ خوماریم اولسا منیم
یانیمدا اؤز گولوم اولسا، رقیبلر کیمدیر؟
خزان غمی منه نئیلر، باهاریم اولسا منیم؟
بو قارا گؤزلولرین حسرتینی چکن دئییلم
ا گر او آهو باخیشلی شیکاریم اولسا منیم
فغانه من گلرم می شکسته بولبول تک
چمنده اؤز گولومه اعتباریم اولسا منیم؟
چمن چیچک لرینی ایسته سم، بلایه گلیم
بو نازنین کیمی بیر گول عذاریم اولسا منیم
بو تازه غنچه‌لرین من اسیری اولماز ایدیم
الیمده، واحد، ا گر اختیاریم اولسا منیم