منو
اؤلندن سونرا
گلمه سه اوستومه یاریم من اؤلندن سونرا
توُتماز آرام مزاریم من اؤلندن سونرا
هانسی گولچهره نی مشهور جهان ائیله‌مه‌دیم
قوی دئسین شانلی دیاریم من اؤلندن سونرا؟!
گؤردوم هر گؤزلی شؤق ایله تصویر ائله‌دیم
سن ده خاطیرلا، نیگاریم، من اؤلندن سونرا
وطنه، خالقا چالیشدیم، ابدی خدمت ائدم
سولماسین باغ و باهاریم من اؤلندن سونرا
عاشیقم صنعته، شعره و گؤزل موسیقی یه
دیللن، ای سؤ گیلی تاریم، من اؤلندن سونرا
واحدم، قالدی سؤزوم دهرده بیر دورّ کیمی
یاشایار ائلده شعاریم من اؤلندن سونرا