یار ا گر یار اولسا

یار ا گر مهر و وفانی دوشونن یار اولسا
غم دئییلدیر، بوتون عالم بیزه اغیار اولسا
اهلِ دل ذؤق و صفانی لبِ جاناندان آلیر
ظلم دور عاشیقه، جانانی دل آزار اولسا
وار نه غم، گؤزلرینین خسته سینه یوخدور علاج
لبلرین چاره ائدر، هر نئجه بیمار اولسا
زولف و خالی او مهین گؤز یاشیم ائیلر روشن
گئجه آیدین لیق اولار ثابت و سیّار اولسا
یار ا گر عاشیقه غمخوارلیق ائتمزسه، نه غم
غم اودور، اؤزگه یه معشوقه سی غمخوار اولسا
گؤزلرین شؤق ایله قان تؤ کمگه چوخ راغیبدیر
مست دیر بونجا خطا ائیلهمز، هوشیار اولسا
وار اومیدیم منه، واحد، داها ظلم ائیلهمهیه
حال زاریمدان او مه پاره خبردار اولسا