همتیمیز وار!

بیلسن سنه، ای گول، نه قدر حؤرمتیمیز وار
بیر گون یئته ریک وصله،ا گر قسمتیمیز وار
هئچ کیمسه بو ناز ایله سنی بسله یه بیلمز
خوشدور، سنه قارشی نه قدر زحمتیمیز وار
بیز نئیله ییریک جنّتی، یا باغِ بهشتی؟
اؤز باغیمیز، اؤز سولمایاجاق جنّتمتیمیز وار
بولبول ده بیزیم، گول ده بیزیم، ائل ده بیزیمدیر
کیمدن، گؤزلیم، ایندی بیزیم منّتمتیمیز وار
قورخما، بیزی هئچ قووه پریشان ائده بیلمز
زولفون سایی، بیل، عشقده جمعیتیمیز وار
داغلار حرکت ائتسه ده، حتی بیزه قارشی
دفع ائتمگه عاجیز دئییلیک، همتیمیز وار
قووتلی طبیعت ده بیزه باش اه ییر ایندی
عشق اهلییک، هر یئرده بیزیم قدرتیمیز وار
قدرتلی ظفر بایراغی پارلار الیمیزده
آزاده لیکه، صلحه بؤیوک رغبمتیمیز وار
بیز فخر ائله سک، حاقلییق انسانلیغا، واحد
خالقا، وطنه بیر بو قدر خدمتیمیز وار