منو
سروِ روانسان!
بیلسن گؤزلیم، سن نه قدر سئوگیلی جانسان!
ظلم ائیله‌مه، قوی سؤیله مه سینلر، جان آلانسان
سولدورما او گول چهره نی، آلدانما رقیبه
اؤز قدرینی بیل کی، نه قدر ایندی جاوانسان
اغیارا اینانما، گؤزلیم،قورخورام اوندان
چوخ ساده سن، هر سؤزکی، دئییرلر، اینانانسان
گولدن ده، چیچکدن ده، گونشدن ده گؤزلسن
سن باغِ ملاحت یئتیره ن سروِ روانسان
گؤردوم، یئنه مین نازایله بیگانه یه باخدین
چوخ شبهه یه سالدین منی، بیلدیم نیگارانسان
گؤر بیر نه گؤزلیکده یئتیرمیش سنی طالع
حسرت چکیر عالم سنه، مشهورِ جهانسان
واحد، بو قدر سنده کی وار عشق و محبت
دونیا قوجالیب گئتسه، چتین سن قوجالانسان