اودلار دیاری

بیلمم، بو نازنین کیمین ایستکلی یاریدیر؟
یا هانسی بختیارلارین بختیاریدیر!
آچدیقجا گول جمالینی، ائللر فرحله نیر
گویا، گؤزللیک عالمینین نو باهاریدیر
دونیا بو نازنین ملگین حسرتین چکیر
خلقین سئویملی آفتی، هم شهریاریدیر
یوز دفعه یانساق عشق اودونا، قورخو بیلمه ریک
چونکی دیاریمیز بیزیم اودلار دیاریدیر
بیر واخت سجده گاه ایدی آتش پرستلره
شهرِ صبا کی، مرکزی دریا کناریدیر
قان ائتمه ساقی، باغریمیزی، باده تئز گتیر
دولدور قدحلری، گئجه میز کئچدی یاریدیر
هر کیم دئییرسه، سئومه بو رعنا گؤزللری
بیلمیر کی، سئوگی عالمی بی اختیاریدیر
بیر گون گلر کی، من گئدرم، خلق سئویله یر:
بیچاره واحیدین بو غزل یادگاریدیر