منو
ائشیتمز افغانیمی!
بیر قارا گؤز آلدی دین و ایمانیمی
باغلیب زولفو آیاغیم، قاشی تؤ کدو قانیمی
یئدی افلاکی فغانیم چولغادی هیجرینده، آه!
بیوفا یاریم ائشیتمزمی مگر افغانیمی؟
دامنین توتدوم، وصالین ایسته‌ییب اومیدایله
کسدی اومیدیم، دئدی، عاشیق، بوراخ دامانیمی
عجزایله، جانا، دئدیم، سنسن طبیب عشق کیم
بو مریضِ عشقه تاپدیم، شوکورلر، درمانیمی
لطف قیل بوسه، نیگارا، واحد اولموش مستحق
دیٔ زکات ایله غنی ائتدیم من اؤز دربانیمی