منو
پروانه ایدیم!
بیر زامان منده اسیرِ رهِ میخانه ایدیم
هوسِ باده ایله عاشیقِ پیمانه ایدیم
بیر دقیقه یئره دوشمزدی الیمدن باده
گؤٕزلرین شؤقو ایله اؤیله کی مستانه ایدیم
بوتون عؤمروم گئچیب عالمده شراب ایچمگ ایله
باده دن، خالی اولان یئرلره بیگانه ایدیم
ایندی تکلیفِ شراب ائیله مک آرتیقدی منه
من کی میخانه ده، بیر خانه سی ویرانه ایدیم
شمعه پروانه یانیردی، گئجه‌لر صبحه کیمی
منده اؤز سئو گیلیمین شمعینه پروانه ایدیم
چالیشیردیم ساچینین فکری باشیمدان چیخیسین
گؤٕرمه سه ایدیم سنی بیر گون، ده لی دیوانه ایدیم
منی، واحد، بو پری چهره‌لر ائتمیشدی اسیر
من ده مجنون کیمی دیللرده بیر افسانه ایدیم