گؤزو چیخسین!

کج باخسا کیم اول ماهِ جماله، گؤزو چیخسین
دوشسون اودا من تک بئله حاله، گؤزو چیخسین
اؤلدوردو منی طعنه سی هیجرینده رقیبین
گل، بیر یئتیشک بزم وصاِله، گؤزو چیخسین!
ماهِ روخونو چرخده خورشیده نشان وئر
قالسین متحیر بو جماله، گؤزو چیخسین!
سئیرِ چمن ائت، غنچه لبیندن اولا دلخون
گؤستر اوزونو، داغداکی لاله، گؤزو چیخسین!
چشم و لبینی ساقییه میخانه ده گؤستر
مئی تک قیزاریب الده پیاله، گؤزو چیخسین!
آت سینه مه مشگان اوخون، اغیارین حسددن
دوشسوناورگی، ای گؤزو آله، گؤزو چیخسین!
واحد، منیم اول گؤزلری خونباریمی هرکس
بد گؤزله ا گر سالسا خیاله، گؤزو چیخسین