منو
گنج اولور ویرانه لرده
کئچیب دائم گونوم میخانه لرده
یقین بیر سیرّ وار پیمانه لرده
نه بیلسین یانمایانلار عشق اودوندا
یانیر، مقصد نه دیر پروانه لرده؟
ریا کارین گؤزلدیر، صحبتیندن
او ((نوش اولسون)) کی، وار مستانه لرده
منی ظن ائتمهیین مجنوندان اسکیک
من اوندان یوکسه گم افسانه لرده!
کمندِ زولفِ یاره مایل اولماز
ا گر عشق اولمالسا دیوانه لرده
منی، فقر اهلی یم، تحقیر قیلما
نئچین کیم، گنج اولور ویرانه لرده
سنین شعرینله، واحد، نازنینلر
دمادم ذؤق آلیر کاشانه لرده