سن ا گر اولماسان، ای گول، منه جانان، کیم اولار؟
او خُومار گؤزلرینه واله و حئیران، کیم اولار؟
سئویر عالم سنی بیر گؤزلرنینین خاطرینه
یوخسا تک زولفون اوچون بونجا پریشان، کیم اولار؟
گیر گولوستانا، سئوینسین، اوخوسون بولبوللر
گول باهار مؤسومو گؤرسنمه سه، خندان، کیم اولار؟
اینجیدیب سالما نظردن سئون عاشیقلریوی
اهلِ عشق اولماسا، کویوندا نیگاهبان، کیم اولار؟
ذؤقِ وصلینه ا گر من ده فغان ائیلهمه سم
حُسنوون گولشنینه بولبولِ نالان، کیم اولار؟
چوخ دئمیشلر سنه، جؤر ائیلهمه بیچاره لره
عاقبتده گؤره ک، ای شوخ، پشیمان، کیم اولار؟
اؤلمهمیشکن، گؤزلیم، واحده قیمت وئریر ائل
اودا گئتسه، وطنه، خالقا غزلخوان، کیم اولار؟