منو
واحسرتا!
سن ده، ای شاعیر، عجب دملر کئچیردین اوّلا
مئی ایچیب میخانهنین بابینده چکدین الصّلا
چوخ قدحلر نوش ائدیب، چوخ جاملار سیندیرمیسان
نئی لی، مئی لی بزملرده قالدی سندن خوش نوا
شیشه‌لر یوخ، بوشقالار آزلیق ائدیردی کئیفینه
بحر و عمانی چکیردین باشینا هم با صفا
چشم مخمور، لب پر آتش، سینه سوزان، سس بلند
کوچه‌لر دولموشدو شؤقونله سنین، ای بیوفا
ایندی نولدو، تؤبه کار، اولدون فسونِ ذؤقدن
چیخمیسان ایمان و دیندن، کافر، اولدون بیوفا؟
کیم شراب ایچمز، عرق تؤ کمز و سیندیرمازسا جام
کعبهٔ عؤمر ایچره یوخدور اول کسه جای رها
بختی گؤر، بیر مصراعیندا مین قدح طنان(١) ایکن
بو عجبدیرکی، اؤزون اولدون قدحلردن جدا
طعنهٔ زاهید سنی قیلمیش ایراق میخانه دن
اول کئچن عشرتلی ایام عؤمرونه واحسرتا
اؤیله بیر الحاده دوشدون کی، داها پیر موغان
یوم محشرده سنه ائتمز شرارت، واحدا!
١ بیر مصراعیندا مین قدح سسلنرکن.