منو
باخمازایدیم!
سن اولماسان، گؤزلیم، گولستانه باخمازایدیم
چمن چیچک لرینه عاشیقانه باخماز ایدیم
اسیر زولفون ا گر اولماسایدیم عالمده
جمالینا بو قدر عاجیزانه باخماز ایدیم
منیمله اولساایدین بیر دقیقه عؤمرومده
جهان بوتون گؤزل اولسا، جهانه باخمازایدیم
منی فراقین اودی یاخماسایدی شمع کیمی
گؤرنده گول اوزونو، یانه ـ یانه باخمازایدیم
فراقینا دؤزه بیلسه ایدی قان اولان کؤنلوم
یولوندا چکدیگیم آه و فغانه باخمازایدیم
او گول جمالینا من عاشیق اولماسایدیم ا گر
فغانِ بولبوله چوخ محرمانه باخمازایدیم
نزاکت اولماسا، واحد، طبیعتیمده منیم
او قارا گؤزلره من شاعیرانه باخمازایدیم