منو
مین جان وار اسیرین!
سن بیر گولوسن،سئوگیلیم، ان تازه باهارین
بیر بولبولویم من ده بو قیمتلی دیارین
بیر بؤیله گؤزلیک کی، طبیعت سنه وئرمیش
اولماز، گؤزلیم، قسمتی هر نازلی نیگارین
بیر ناز ایله باخماقلا ییخیب کؤنلومو کئتمه!
هئچ اووچو آتیب گئتمه‌میش عالمده شیکارین
ائیلر بو کیفایت منه،مئی ذؤقو نه لازم
هر دم کی، دوشر خاطیریمه چشمِخومارین
هر تارِ سرِ زولفده مین جان وار اسیرین
معناسی بو دور، دینله صداسین دف و تارین
خواننده یه وئر فیکرینی، پشمرده اوتورما
معناسینی قان، رمزینی ((شور)) و ((قاطار)) ین
مقصد سنین اوصافِ جمالیندیر همیشه
گولشن لری فریادی توتوب بولبولِ زارین
هر چند کی، مئی ذؤق وئریر، واحد، اوُنوتما
هر صبح زامانیندا اونون رنجِخومارین