منو
جاندان بئزیکمیشم!
سئودایِ زولف، یارا او گوندن کی، دوشموشم
گویا کی، دامِ غفلته محکم ایلیشمیشم
بیرگئجه اولمادی، گؤروم اول ماه تابانی
صبح آچیلسنجا هر گئجه کویون گزیشمیشم
اغیاره، بیلمه‌دیم، دئدیم اؤز سیرّ عشقیمی
سهو ائتمیشم بو باره ده، خیلی سوروشموشم
آغزیمدا ایندی ده وار اونون طعم و لذتی
اول لعلِ شکر ایله کی، بیر یول اؤپوشموشم
یانسین دیلیم، او یاره ا گر بیوفا دئسم
اما رقیبدن نئجه دفعه ائشتمیشم
بیر سنگدل نیگارِ وفاسیزدان اؤترو من
اغیار ایله او قدر کئچن گون سؤیوشموشم
یارین وفاسیز اولماغی، اغیار طعنه سی
واحد، چوروتدو عؤمرومو، جاندان بئزیکمیشم