منو
مشهور اولا انسانلیغیمیز!
واردی کؤیوندا، خوش اول دم کی، نگاهبانلیغیمیز
بو گیدالیقدا ایدی عالمه سلطانلیغیمیز!
آغلا هیجران گونو، ای مردمِ چشمیم، گئجه لر
بیر سحر گولدوره جکدیر بیزی گریانلیغیمیز
یارا جان وئرمگه یول وئرمه‌دی کوُیوندا رقیب
نذر قیلدیقسا، قبول اولمادی قروبانلیغیمیز
فارغ اولساق، نولامجموع پریشانلیقدان
باغلیدیر طرهٔ جانانا پریشانلیغیمیز
لبِ جانان وارایکن چشمهٔ حیوان سئویریک
آدم اولساق، بیزه یئترمزمی بو حیوانلیغیمیز؟
ای کؤنول، ایندی وصال عالمینین قدرینی بیل
بیر ثمر وئرمه یه جک سونرا پشیمانلیغیمیز!
گرک انسانلیغا دایر چالیشاق، واحد، ا گر
ایسته سه ک، عالمه مشهور اولا انسانلیغیمیز