منو
سوزگون نگاه ایله
گئچسه یدی خوش گونیم گر او زلفِ سیاه ایله
هرگز شکایت ائتمزایدم سوزِ آه ایله
آهو باخشلی گؤزلرنینین مبتلاسییام
چوخ باخما سئوگیلیم، منه سوزگون نیگاه ایله
رویین یانیندا ذره جّه گلمز خیالیمه
مشکل، گدا برابراولا پادشاه ایله
زاهد سؤزوایله یاخشی کی، مئی ترکین ائتمه‌دیم
بسدر ثوابیم، عشقده بیر بو گناه ایله
بیلمز جمالینی، مه و خورشیده بنزه دن
چوخدر تفاوتو، گؤزلیم مهر و ماه ایله
محرابی ایسته یرمی؟ سئون کج هلالینی؟
داشدا نه ذؤق وار. بیر اولا. قبله گاه ایله
زولفون دوشنده رویینا، آرتار ملاحتین
گول باغلاناندا قیمتی آرتار گیاه ایله
ثابت له(١) چوخ مباحثه اولدی بو شعرده
واحد، قالیب بو مسئله میز اشتباه ایله
١بعضی نسخه لرده، نیّرله(٢) یازیلوبدور:
٢غلامحسین نیّر.