گرک شاعیر…!

گرک شاعیر اولان آزاده و لاقئید و مست اولسون
نه کاری اهلِعالم حق پرست، یا بوت پرست اولسون
یئنی عالم یارات، فرعون و موسادان نولور حاصیل
هنر گؤستر، قوی اونلار سلطنت قئیدیله مست اولسون
خلیل الله ایله نمرود اودون تعریفه حاجت یوخ
شارابنئللر شراریندان جهان ایستر شکست اولسون
((شهیدِ کربلا اول، بیلمه ین آزاده لیک قدرین
یزید دونه قوی، شمرِ ده نی تک زیردست اولسون))(١)
دیٔ، واحد، ((ثاقب)) و((سیّار)) ه اونلار حقی تاپسنلار
جهنـ م! خلقِ عالم قوی گئدیب آذرپرست اولسون(٢)
بوزوونا ۵٢٩١(٣)

١بو بیت بوزوونالی شاعیر ((آذر)) دن دیر.
٢غزل د.م.ت.ز.نین خاطیره لریندن آلینمیش و بیرنجی دفعه چاپ اولور.
٣غزل ۵٢٩١ـ ایجی ایلده، بوزوونا استراهتگاهیندا، شاعیرلر، آذر، ثاقب
یازیلما سببینی بیلمک اوچون، باخ خاطیره لره. و سایر ایله اولارکن قلمه آلینمیشدیر.