یارادان سا غلیغینا

گرچی درد اهلی ایچیر باده نی جان ساغلیغینا
ایچیرم من اونو بیر آفت جان ساغلیغینا
قانمایان کیمسه بو قان اولموشا قیمت وئرمز
عارف اول، ایچ مئی گولگونو قانان ساغلیغینا
بیل، نه معنایه قدحلر توخونور بیر- بیرینه
قالدیرین جام شرابی یارادان ساغلیغینا
جام توُت نازلی گؤزللرله، ا گر روحون وار
قوجالار ذؤق آلار ایچدیکجه جاوان ساغلیغینا
من جهان ذؤقونون آلوده سی اولسایدیم ا گر
مست اولاردیم ابدیتله جهان ساغلیغینا
ترک عادت اؤزو جان ساغلیغینا دوشمندیر
دؤرما، ایچ باده نی، وئر فیکرینی جان ساغلیغینا
خاطیریمدن کئچیر ایام جاوانلیق، واحد
قالدیراردیم قدحی پیر موغان ساغلیغینا