گوشهٔ جنتده ایدیم!

گئجه اؤز ایسته دیگیم یارایله عشرتده ایدیم
سانکی بیر آدم ایدیم، گوشهٔ جنتده ایدیم
من ایدیم، بیرده اؤز ایستکلی گؤزل یاریم ایدی
یوخدور اغیار، گر اولسایدی، مصیبتده ایدیم
باده جامین منه جاناندی وئرن مجلیسده
گؤر بو حال ایله او اثنادا نه حالتده ایدیم
بوتون اطرافیمی آلمیشدی گؤزلر صف – صف
مست ایکن یار ایله بیر باشقا محبتده ایدیم
حسرتین چکدیگیم اؤز یاریم ایدی ساقی اولان
ایندی تصویر ائله باخ، گؤر نه قیامتده ایدیم
نه تمنا ائله ییردیمسه، میسّردی منه
طالعیمدن ائله ظن ائتمه، شکایتده ایدیم
واحدم، عشق و محبتله جهاندان گئتدیم
حئیف کیم، بیلمه دیلر، من نه طریقتده ایدیم