منو
بیر دایان گؤروم!
گئتمه بو نازیله، گؤزلیم، بیر دایان گٔوروم
عشقینده من یانان کیمی، بیر سن ده یان گؤروم
درد اؤلدورر منی، سنی گر بیرده، سئو گیلیم
خائن رقیبلرله گولوب اوینایان گؤروم
چشمِ زمانه دن سنه آفت توخانماسین
دایم او قارا زولفو گؤز اوستونده یان گؤروم
نه لاله بیتمه سین، نه ده سونبول، سن اولماسان
نه شاخِ گولده بولبول اوچون آشیان گؤروم
مستانه گؤزلرین کیمی سن مستسن هله
چوخ یاتما، نازایله، گؤزلیم، بیر اویان گؤروم
واحد! جهاندا هر گؤزلین دوشسه م عشقینه
بیر خئیر گورمه سه م ده، گرک مین زیان گؤروم