منو
مهرِ درخشان گؤرونور
گول اوزنده گؤزلیم، زولفِ پریشان گؤرونور
باغ ایچینده، ائله بیل، سونبول و ریحان گؤرونور
بولبول هر لحظه فغان ائیله سه گر گولشنده
گول گؤروب بولبولون افغانینی خندان گؤرونور
سجده ائتدیم، گوره رک چاکِ گریبان او گولو
صبح دور، ساندیم اودم، مهرِ درخشان گؤرونور
منه چوخ مشگل اولور درد و غمِ هیجرانین
ولی بیگانه باخیرسا، اونا آسان گؤرونور
وصله یئتجک، دئدیم: ای مه یئترم مقصودا!
یئتمه‌میش وصلینه، وصلین منه هیجران گؤرونور
لیلی وش بیر صنمین عشقی ایله واحدِ زار
یئنه مجنون کیمی، سر گشتهٔ دوران گؤرونور