منو
گولدن اینجه سن!
گول اینجه دیرسه، سن گؤزلیم گولدن اینجه سن
اینجه نزا کتین قدر اینجه دوشونجه سن
هر اویناداندا خم قاشینی، قان اولور کؤنول
سانکی بو فیکرله ال آتیرسان قلینجه سن
ظالیم، همیشه کؤنلومو اینجیتدی فرقتین
عؤمرومده قویمادین منی بیر لحظه دینجه سن
آیئنه‌لر خجالت اولور گؤرجک عکسینی
ناز ایله شانه زولفونه هر دن چکنده سن
گؤزدن کنارا گئدمه بو درد اؤلدورر منی
بیلمم، نه نوع صبر ائده بیللم گلینجه سن؟
غم گوشه سینده اه یری قاشین قبله دیر منه
ای عشق تارنسی، منی اه یدیرمه کونجه سن
واحد، اوُزاتما مسئله نی، عؤمرودن گئدیر
اول قدر زولفه دردینی بیر یول دئیینجه سن