منو
گریان ایستر
گوزه لیم گوزلرین عشق اهلینی گریان ایستر
گونده یوز من کیمی بیچاره نی قربان ایستر
نه اولار چوخدا گوزه ل سن ئوزون انصاف ائیله
هانسی گل عاشقینی سن کیمی نالان ایستر
منده باخسام او لب لعلینه قان اولماز که
بلبلین عادتیدیر غنچهٔ خندان ایستر
بیلمه مشلر دهنین سرّین حله ایندیه جن
کشف قیلماق بو معّمانی چوخ امکان ایستر
نکته بیلسین او آداملیق هانی زاهد لرده
لعل نابین وار ایکن چشمئه حیوان ایستر
او قارا زلفنین آز چکمه‌میشم حسرتینی
مبتلا کونلومی هر لحظه پریشان ایستر
واحدی جاذبهٔ عشقین ائدیب مجنون تک
یوخسا دیوانه لیگی هانسی بیر انسان ایستر