منو
حاجی نعمت کیشی
گوزلرین آیدین اولسون آی حاجی نعمت کیشی
سن داها بوندان بئله ائیلمه خفت کیشی
دوشمه یجکسن داها بیر داها یوخسوللوقا
چخارتدی طالع سنی دار گونونده بوللوقا
ائیشیدیم اوغلون گیریب کوپراتیفده قوللوقا
آچ جیبینین آغزینی ائیلمه غفلت کیشی
گوزلرین آیدین اولسون آی حاجی نعمت کیشی
گئتدیگین مکّه حقی گن. بول اولار داشباشین
مفته‌دی بوندان بئله اوئده آشین بوز باشین
هم سن ئوزون ییرسن هم ده قوهوم قارداشین
ئولونجه هیچ بیر شئیه قالماسان حسرت کیشی
گوزلرین آیدین اولسون آی حاجی نعمت کیشی
کهنه بیر آل وئرچیسن گیریبسن دوندان دونا
اوغرولوقون بیجلیگین فنّینیی ئو گرت اونا
فرصتی فوت ائیلمه قویما بو گوندن سونا
گرچه قبول ائتمه سه دوگ. ائله تهمت کیشی
گوزلرین آیدین اولسون آی حاجی نعمت کیشی