منو
ایستکلی جانان!
کؤنلومو ائتمیش جمالین شؤقو حئیران، سئوگیلیم
یوخ بشرده سن کیمی ایستکلی جانان، سئوگیلیم
هر گؤرنده گول اوزون، دویماز تماشادان کؤنول
اولموشام بولبول صفت عشقینده نالان، سئوگیلیم
من محبت مولکونون مجنونو، سن لیلاسی سان
درس آلا بیزدن گرک عشق اهلی هر آن، سئوگیلیم
عشق دردیندن چتین بی درد یوخموش دهرده
چاره سین تاپماز بو دردین گلسه لقمان، سئوگیلیم
چاره اولسایدی، زولیخادن اولاردی یوسیفه
ائیلدی واحد کیمی پا بندِ زندان، سئوگیلیم