منو
کنار اولماز!
کؤنول مُرغو سرِ زولفوندن، ای گول، بیل، کنار اولماز!
اسیرعشق اولانلارتک، اونا بیر رهگذار اولماز
ائدر بد مست لیک دایم، خومارآسا سیه چشمین
تؤ کوب عشق اهلینین قانین کی، بیر آن هوشیار اولماز
وورارلار طعنه داشیله، منی بیگانه‌لر سن سیز
او دور کیم بو، سئنئق کؤنلوم یئرینده بر قرار اولماز
جمالین شمعینه، ای مه، یانار شام و سحر کؤنلوم
نه پروانه یانار من تک، نه رویون کیمی نار اولماز
گلیب طعن ائیله یر سنسیز، منه، بیگانه گؤردوکده
تعّجب دور، منیم حال و دلیمدن شرمسار اولماز
سرِ کویندا، مدتدیر، دولاننم زار و سر گردان
فراقیندان، تن زاریمدا بیر دم اختیار اولماز!
بو سؤز ضرب المثل دیر خلق ایچینده سؤیله نیر واحد
((وفا اومما گؤزللردن – گؤزلده اعتبار اولماز!))