مهر و وفا پایه ـ پایه دیر

هر عاشیقین محبتی بیر مه لقایه دیر
عشق عالمینده مهر و وفاپایه – پایه دیر
بولبول ده من تک اؤز گولونون مبتلاسیدیر
آه و فغانی خاریله گولدن گیلایه دیر
یوز دفعه جؤر ائدیب منه، بیلمم، نه سیرّی وار
ذؤق و محبتیم یئنه او بیوفایه دیر؟
واعظ کی، جنّت ایله جهنم سؤزون دئییر
معناجاقانماییر، بو رمز و کنایه دیر؟
زاهید شرابی نهی اوچون آیه سؤیله ییر
لاکن سورولسا، آنلامییر هانسی آیه دیر
آهویِ چین دئینلر او مشکین غزال اوچون
مردم لر ایچره گؤزگؤزه میئلی ختایه دیر
جؤر و جفایه عادت ائدن ماه رؤلارین
اوّلجه هر جفاسی منِ بینوایه دیر
واحد جهانا باغلاما بئل، یوخدور آخیری
گویا بیر ائوده سن، نئچه گونلوک کیرایه دیر