اثر ائیلر

هر کیم منه ظلم ائیله سه، ای گول، ضرر ائیلر
بیر گون سنه ده ناله و زاریم اثر ائیلر
گول اوزلولر عشقینده ا گر خاکه ده دؤنسم
قبریم داشینا بادِ صبالار گذر ائیلر
کویوندان ا گر دربدر ائتمیش منی اغیار
آهیم اودو بیرگونواونودا دربدر ائیلر
بیگانه منی حسرتِ وصلینله قوجالتدی
چوخ چکمز، اونو حاق اؤزو مندن بتر ائیلر
زولفون اوزونو ایل اوزونو توتسا داریخما
آیدین گئجه نی ظلمت ائدن کس سحر ائیلر
مین نازایله اول شوخ غفیلدن منی ییخدی
ظن ائتمه کی، صیاد اوخ آتارکن خبر ائیلر
واحد، سنی ایستر سالا بیگانه نظردن
غم چکمه، بوبسدیر، سنه خالقین نظر ائیلر