هر کیم منه طعن ائیله سه میخانهلر ایچره
قان اولسون اونون باده سی پیمانهلر ایچره
اؤز خلقینه هر کیم مئی ایچیب وئرسه اذّیت
اولسون یئری بایقوش کیمی ویرانهلر ایچره
ممکنسه فساد اهلی ایله هم قدح اولما
نقصان یئتیرر شأ نینه بیگانهلر ایچره
جهد ایله، او کس لرله چالیش، باده نی قالدیر
انسان کیمی ذؤق آرتیرا مستانهلر ایچره
پروانه ا گر شمعه یانیر آتشِ غمله
من ده یانیرام هر گئجه پروانهلر ایچره
بیر زولفو سیه دلبره چوخداندیر، اسیرم
مشهورام او گوندن بری دیوانهلر ایچره
واحد، بیله جک قدرینی، صراف ا گر اولسا
ساخلار بو گؤزل شعرینی درودانهلر ایچره