نه قاچیر، نه یاخین گلیر

هر کیم محبت اهلینی سالمیش اذّیته
یوخ اؤزگه قارقیشیم اونا، دوشسون محبّته
مندن بیر کناره قاچیر، نه یاخین گلیر
کیم اؤیره دیب بو غمزهٔ نازی اول آفته؟
آند ایچدیم، آغلادیم، دئدیم: ای گول، اسیرینم!
نه آندیما ایناندی، نه گلدی مروّته
عاشیق گره کدیر، ایسته دیگی یاره یالوارا
جانانی سالسادا اونو یوزلرجه ذلّته
یاریملا خوش کچه یدی حیاتیم، بو عهده یم
تانریم دا راضی دیر، گؤزلیم بئیله نیّته
مجنون، وفاسیز اولدوغونو گؤردو لیلی نین
ترک ائتدی اؤز دیارینی، اوز توتدو غربته
ساغلیقدا چوخ دئدیم سنه، اینجیتمه واحدی
بیچاره حسرتینله سنین گئتدی رحمته