منو
ای دوست
همیشه عشقینله ائیلرم فغان، ای دوست
اولوبدور هر طرفه گؤز یاشیم روان، ای دوست
گرک مدام ائیله ییم ناله، عندلیب آسا
باهارِ عؤمرومو سن ائیله دین خزان، ای دوست
اول گول جمالینا حسرت قویوبسان عاشیقینی
منی فراقین ائدیب چونکی باغری قان، ای دوست
الیمدن آلدی سنی گردشِ زمانه، اودور
فلک جفاسی ائدیب قدّیمی کمان، ای دوست
کؤنول وطن ائله‌میش زولفون ایچره، مدتدیر
غریب و بیکسه لازیمدی بیر مکان، ای دوست
نه قدر صبر قیلیم فرقتین جفاسینا من
فراق تیرینه کؤنلوم اولوب نشان، ای دوست
شکسته واحدی سالمیش بلایه هیجرانین
یوخومدور طاقت و تابیم، گئدیب توان، ای دوست