منو
دولان اهل کامال ایله
بیر لحظه گولمهدی اوزوم اول گول جامال ایله
عؤمروم یئتیشدی آخیره یوزمین خیال ایله
هیجران غمیله ائیله کی، من عادت ائتمیشم
شاد اولمارام اؤلونجه اومیدِ وصال ایله
اؤز عشقیم ایله فخر ائدیرم کائناتا من
شاهلار اؤیونمه سین منه جاه و جلال ایله
یار ایله خوش دقیقهلرین باشقا ذؤقو وار
یار اولمایاندا گون کئجه جک قیل و قال ایله
بیرده جهاندا گلمه یه جکسن دوباره سن
ممکن سه، قویما کئچمه گه عؤمرون ملال ایله
تدریج ایله قوجالداجاق آخیر فلک منی
وحشی لیگی بوراخ، دولان اهل کامال ایله
واحد، منیمله دوز دولانان یار تاپمادیم
چونکی فلک ده کج دولانیر اهل حال ایله